મોટી કુંકાવાવમાં ગેરકાયદેસર દેશી દારૂ વેચાણ રોકવા માટે નેહાબેન ગોંડલિયાએ પોલીસને લેખિત રજૂઆત

મોટી કુંકાવાવ, અમરેલી (તારીખ 07) – તાજેતરમાં તાલુકા પંચાયતના વિપક્ષી નેતા અને આમ આદમી પાર્ટીના અગ્રણી નેહાબેન નીતિનભાઈ ગોંડલિયાએ અમરેલી જિલ્લા પોલીસ અધિક્ષકને લેખિત રજૂઆત કરી છે, જેમાં ગામમાં ખુલ્લેઆમ ચાલતા ગેરકાયદેસર દેશી દારૂના વેચાણને રોકવા માટે તાત્કાલિક પગલાંની માંગ કરવામાં આવી છે.

નેહાબેન ગોંડલિયાએ જણાવ્યું કે, અસામાજિક તત્વો દ્વારા બેરોકટોક થતા દારૂનું વેચાણ સ્થાનિક યુવાઓને નષ્ટ કરે છે, પરિવારોમાં અશાંતિ પેદા કરે છે અને કાયદો-વ્યવસ્થા તેમજ મહિલાઓ અને બાળકોની સુરક્ષાને જોખમમાં મૂકે છે.

તેઓએ કુંકાવાવ-વડિયા તાલુકામાં દેશી દારૂના અડ્ડાઓ પર તાત્કાલિક દરોડા પાડી તપાસ શરૂ કરવા, સંબંધિત વ્યક્તિઓ સામે કડક કાયદેસર પગલાં લેવા અને ગામમાં શાંતિ જળવાઈ રહે તે માટે પોલીસ તંત્રની સકારાત્મક અને ત્વરિત કામગીરીની અપેક્ષા વ્યક્ત કરી.