ભરૂચના જંબુસરમાં રઝા એ મુસ્તફા કમિટી દ્વારા રક્તદાન કેમ્પ યોજાયો, મોટી સંખ્યામાં લોકોએ કર્યું રક્તદાન

ભરૂચ જિલ્લાના જંબુસર ખાતે રઝા એ મુસ્તફા કમિટી દ્વારા એક રક્તદાન કેમ્પનું આયોજન કરવામાં આવ્યું હતું. આ કેમ્પમાં સ્થાનિક લોકો અને રક્તદાતાઓએ ભારે ઉત્સાહ દાખવ્યો હતો અને મોટી સંખ્યામાં ઉપસ્થિત રહીને રક્તદાન કર્યું હતું.

આ સેવાકીય પ્રસંગે વિસ્તારના અનેક અગ્રણીઓ અને સમાજસેવકો મોટી સંખ્યામાં ઉપસ્થિત રહ્યા હતા. જેમાં સૈયદ કલીમ અલીબાવા, સૈયદ આરીફ બાવા, અસલમભાઈ સાયકલ વાળા, નાજુભાઈ ફડવાળા, મુબારક ભાઈ પટેલ, યુનુસખા પઠાણ, સાજીદભાઈ શેખ અને માસુમ યુનુસભાઈ પટેલનો સમાવેશ થાય છે.

આ ઉપરાંત, આ રક્તદાન કેમ્પમાં માજી ધારાસભ્ય સંજયભાઈ સોલંકી, કિરણભાઈ મકવાણા તેમજ તાલુકા પંચાયત સભ્ય મુસ્તાકભાઈ કારભારી સહિતના અગ્રણીઓએ ખાસ હાજરી આપી હતી અને રક્તદાતાઓનો ઉત્સાહ વધાર્યો હતો.