વિરમગામ શહેરમાં જન્માષ્ટમી પર્વની પરંપરાગત ઉજવણી, મટકી ફોડ કાર્યક્રમ યોજાયો

શ્રાવણ વદ આઠમ એટલે જન્માષ્ટમી નિમિત્તે વિરમગામ શહેરના ઇન્ડિયન ઓઇલ કોર્પોરેશન ના નજીક રહેતા વિવિધ સમાજના પરિવારો દ્વારા પરંપરાગત રીતે જન્માષ્ટમી પર્વની ભવ્ય ઉજવણી કરવામાં આવી હતી.
આ પ્રસંગે કનૈયાની ભવ્ય શોભાયાત્રા કાઢવામાં આવી હતી. શોભાયાત્રા દરમિયાન નંદ ઘેર આનંદ ભયો, જય કનૈયાલાલ કી ના જયઘોષથી સમગ્ર વાતાવરણ કૃષ્ણમય બન્યું હતું. પરિવારજનો દ્વારા કનૈયાનું ફૂલોથી સ્વાગત કરવામાં આવ્યું હતું. ખાસ કરીને મહિલાઓ દ્વારા ગરબા પણ કરવામાં આવ્યા હતા.
કનૈયાની શોભાયાત્રા બાદ પરંપરાગત મટકી ફોડ કાર્યક્રમ યોજાયો હતો. કનૈયાના બાળ સ્વરૂપે મટકી ફોડવામાં આવી હતી અને ઉપસ્થિત ભક્તોને પ્રસાદનું વિતરણ કરવામાં આવ્યું હતું.
આ કાર્યક્રમમાં ધૂમધામથી જોડાયેલા કાર્યકર્તાઓ અને સેવાભાવી નગરજનો ઉપસ્થિત રહ્યા હતા. વિવિધ સમાજના પરિવારજનો સહિત મોટી સંખ્યામાં લોકો દ્વારા કનૈયાનું પૂજન કરવામાં આવ્યું હતું અને દર્શનનો લાભ લઈ ધન્યતા અનુભવી હતી.
રિપોર્ટર.
આસીકઅલી ગીલાણી
વિરમગામ