વિરમગામના ઐતિહાસિક રામમહેલ મંદિરે કૃષ્ણ જન્મોત્સવની ભવ્ય ઉજવણી, મટકી ફોડ કાર્યક્રમ યોજાયો

વિરમગામ શહેરના ઐતિહાસિક રામમહેલ મંદિર ખાતે શ્રીકૃષ્ણ જન્માષ્ટમી નિમિત્તે ભવ્ય ઉજવણીનું આયોજન કરવામાં આવ્યું હતું. જન્માષ્ટમીના પાવન પર્વ નિમિત્તે મંદિર પરિસરમાં ભક્તિમય વાતાવરણ વચ્ચે વિવિધ ધાર્મિક કાર્યક્રમો યોજાયા હતા.
આ પ્રસંગે મટકી ફોડ કાર્યક્રમનું પણ આયોજન કરવામાં આવ્યું હતું. જેમાં મોટી સંખ્યામાં શ્રદ્ધાળુઓ તથા નગરજનો ઉપસ્થિત રહી શ્રીકૃષ્ણના જન્મોત્સવની ઉત્સાહભેર ઉજવણી કરી હતી.મંદિર પરિસર જય શ્રીકૃષ્ણના નાદથી ગુંજી ઉઠ્યું હતું અને સમગ્ર વાતાવરણ કૃષ્ણમય બન્યું હતું. કાર્યક્રમ દરમિયાન આયોજકો દ્વારા ઉપસ્થિત ભક્તો માટે સુંદર વ્યવસ્થા કરવામાં આવી હતી.
રિપોર્ટર.
આસીકઅલી ગીલાણી
વિરમગામ