ધારીના ફતેગઢમાં જન્માષ્ટમીની ભવ્ય શોભાયાત્રા અને મટકી ફોડ

ધારી તાલુકાના ફતેગઢ ગામમાં જન્માષ્ટમીના પાવન પર્વ નિમિત્તે ભવ્ય ધાર્મિક અને સાંસ્કૃતિક કાર્યક્રમોનું આયોજન કરવામાં આવ્યું. આ મહોત્સવનું આયોજન રામજી મંદિરના મહંત ભગવાનદાસબાપુ હરિયાણી દ્વારા કરવામાં આવ્યું હતું.

ગામમાં મોટી સંખ્યામાં ગ્રામજનો અને શ્રીકૃષ્ણ ભક્તો જોડાઈને શોભાયાત્રા શરૂ કરી. શોભાયાત્રા દરમિયાન રાસ-ગરબા અને અન્ય રમઝટોનું આયોજન થયું, જેના કારણે સમગ્ર ફતેગઢ ગામ કૃષ્ણમય બની ગયું.

શ્રીકૃષ્ણની લીલાને સ્મરણ કરતાં મટકી ફોડ કાર્યક્રમ અને ધાર્મિક વિધિ સાથે મહા આરતી યોજાઈ. આ કાર્યક્રમોમાં ગામવાસીઓએ ભાઈચારા, એકતા અને સામાજિક સમરસતાનો સંદેશ આપ્યો.

સમાપ્તિમાં “નંદ ઘેર આનંદ ભયો... જય કનૈયાલાલ કી” ના જયઘોષથી ગામ ગુંજી ઉઠ્યું. પ્રવીણભાઈ નસીત દ્વારા કોઠી આઇસક્રીમનું પ્રસાદ રૂપે વિતરણ પણ કરવામાં આવ્યું.