મોક્ષા હિતેન્દ્રકુમાર જોશીનું વડોદરા આંતરરાષ્ટ્રીય માનવ અધિકાર સંરક્ષણ બ્યુરોમાં અધ્યક્ષપદ સોપાયું

મોક્ષા હિતેન્દ્રકુમાર જોશીને આંતરરાષ્ટ્રીય માનવ અધિકાર સંરક્ષણ બ્યુરો, વડોદરા, ગુજરાત (ભારત) દ્વારા વડોદરા અધ્યક્ષ તરીકે પસંદ કરવામાં આવ્યા છે.

મોક્ષા હિતેન્દ્રકુમાર જોશી મહિસાગર જિલ્લાના વીરપુર તાલુકાના વરધરા ગામની વતની છે અને હાલમાં વડોદરા શહેરમાં સ્થાયી છે.

આ પસંદગી સમગ્ર બ્રહ્મ સમાજમાં આનંદ અને ગૌરવની લાગણી જગાવી છે; વરધરા ગામ, વીરપુર તાલુકા અને મહિસાગર જિલ્લાનું નામ રોશન થયું છે, તેમજ સમગ્ર ગુજરાત અને ભારતમાં પણ તેમની સિદ્ધિનું સન્માન કરવામાં આવ્યું છે.

પસંદગીની ઘોષણા સમયે મોક્ષાબેન દિલ્હી ખાતે ઉપસ્થિત હતા; નવી જવાબદારી પ્રાપ્ત કરીને તેઓ માનવ અધિકાર જાગૃતિ, સમાજસેવા અને ન્યાયની ભાવનાને મજબૂત બનાવવા માટે વધુ સક્રિય ભૂમિકા ભજવશે, તેવી શુભેચ્છાઓ વ્યક્ત કરવામાં આવી છે.