કડી તાલુકામાં રોગચાળા કારણે ખંડેરાવપુરા અને આજુબાજુના ૧૦થી વધુ ગામોમાં ખાટલા ઉભરાયા

કડી તાલુકાના ગ્રામ્ય વિસ્તારોમાં હાલમાં વાયરસ અને પાણીજન્ય રોગચાળાએ ગંભીર પરિસ્થિતિ પેદા કરી છે. બદલાતા હવામાન, ઉકળાટ અને પ્રદૂષિત પાણીના કારણે ઝાડા‑ઊલટી, મગજનો તાવ, શરદી‑ઉધરસ જેવા કેસોનો રાફડો ફાટ્યો છે.

ખંડેરાવપુરા સ્થિત ખાનગી દવાખાનાઓમાં વહેલી સવારથી જ દર્દીઓની લાંબી કતારો જોવા મળી, જ્યાં ગ્રામજનો સારવાર અને દવા માટે ઉમટી રહ્યા છે.

આ ક્લિનિક્સમાં અગોલ, મેઢા, કણજરી, અણદેજ, ગોવિંદપુરા, ચંદ્રાસણ, નદાણ અને પંથોડા પંથક જેવા ૧૦થી વધુ ગામોના સેંકડો લોકો આવ્યા છે, અને ખાટલા ઉભરાયા છે.