વીજપડીમાં કોમી એકતાનું ઉદાહરણ: ઈદે મિલાદુનનબીના જુલુસ

સાવરકુંડલા ના વીજપડીમાં કોમી એકતાનું ઉદાહરણ: ઈદે મિલાદુનનબીના જુલુસમાં હિન્દુ-મુસ્લિમ સાથે, પોલીસ પણ જોડાઈ*
સાવરકુંડલા તાલુકાના વીજપડી ગામે આજે ઈદ-એ-મિલાદુનનબી નિમિત્તે નીકળેલા ભવ્ય જુલુસમાં કોમી એકતાનું અનોખું ઉદાહરણ જોવા મળ્યું. જુલુસમાં મુસ્લિમ બિરાદરોની સાથે હિન્દુ સમાજના આગેવાનો પણ ખભે ખભા મિલાવીને ચાલ્યા હતા. આ જુલુસમાં પોલીસ સ્ટાફ પણ લોકો સાથે પગપાળા ચાલીને સુરક્ષા વ્યવસ્થા સંભાળી રહ્યો હતો. કોઈ અનિચ્છનીય બનાવ ન બને તે માટે પોલીસે ચુસ્ત બંદોબસ્ત ગોઠવ્યો હતો.