કરચેલિયા ગામમાં રક્ષાબંધનની તૈયારીઓ પૂરજોશમાં, રાખડી બજારમાં જોવા મળી ચહલપહલ

કરચેલિયા ગામમાં રક્ષાબંધનની તૈયારીઓ

મહુવા તાલુકાના કરચેલિયા ગામમાં રક્ષાબંધનના પવિત્ર તહેવારને લઈને તૈયારીઓનો માહોલ જોવા મળી રહ્યો છે.

રક્ષાબંધનને હવે ગણતરીના કલાકો બાકી છે ત્યારે ગામના બજારમાં વિવિધ પ્રકારની આકર્ષક રાખડીઓનું વેચાણ શરૂ થઈ ગયું છે. બહેનો પોતાના ભાઈઓ માટે સુંદર અને મનપસંદ રાખડીઓની ખરીદી કરતી જોવા મળી રહી છે.

બજારમાં નાની બાળકીોથી લઈને મોટી બહેનો સુધી સૌ કોઈ ઉત્સાહપૂર્વક રાખડીની ખરીદી કરી રહ્યા છે. રંગબેરંગી અને વિવિધ ડિઝાઇનની રાખડીઓ લોકોમાં ખાસ આકર્ષણનું કેન્દ્ર બની છે.

ભાઈ-બહેનના પ્રેમ અને લાગણીના પવિત્ર પર્વ રક્ષાબંધનને લઈને કરચેલિયા ગામમાં પણ ખુશી અને ઉત્સાહનો માહોલ જોવા મળી રહ્યો છે.