કડી તાલુકાના અગોલ ગામમાં પયગંબર સાહેબનું જન્મદિવસ ઉજવાયું, ઇમામની નશામુક્તિની સલાહ અને સમૂહ ન્યાઝનુ આયોજન

અગોલ ગામે પયગંબર સાહેબના જન્મદિવસની ઉજવણી સાથે ઇમામ દ્વારા નશામુક્તિ અને સહયોગી જીવન માટેની સલાહો આપવામાં આવી, અને ગામના અગ્રણી દ્વારા સમૂહ ન્યાઝનુ આયોજન કરવામાં આવ્યું.

કડી તાલુકાના અગોલ ગામમાં પયગંબર સાહેબનો જન્મદિવસ ઉજવવામાં આવ્યો. ગામવાસીઓએ વિવિધ કાર્યક્રમો દ્વારા આ પવિત્ર દિવસને સન્માનિત કર્યો.

ગામના ઇમામ સાહેબ સૈયદ નઝીર હૂસૈન દ્વારા નશા મુક્તિ માટે મહત્વપૂર્ણ સૂચનો આપ્યા. તેમણે ગામમાં ખોટા વ્યાસને દૂર કરવા અને ભાઈચારોને મજબૂત બનાવવા માટે લોકો વચ્ચે સહકાર અને પરસ્પર સહાનુભૂતિની જરૂરિયાત પર ભાર મૂક્યો.

ગામના અગ્રણી જાદુ હમીદભાઈ બાબુભાઈ અને કાળુભાઈ ચેહા ભાઈ કુરેશી દ્વારા સમગ્ર ગ્રામજનો માટે સમૂહમાં ન્યાઝનુ આયોજન કરવામાં આવ્યું, જેથી સમુદાયમાં એકતા અને સહયોગની ભાવના વધે.

આ કાર્યક્રમો દ્વારા અગોલ ગામમાં સામાજિક સુમેળ અને સ્વસ્થ જીવનશૈલીને પ્રોત્સાહન મળ્યું.