રાણપુરના બરાનીયા ગામમાં શાળાના આચાર્ય સામે વિદ્યાર્થીઓની શારીરિક અડપલા માટે ફરિયાદ

રાણપુર તાલુકાના બરાનીયા ગામની માધ્યમિક શાળાના આચાર્ય હર્ષદભાઈ જાલા વિરુદ્ધ વિદ્યાર્થીનીઓ સાથે કથિત અયોગ્ય શારીરિક અડપલા કરવા માટે રાણપુર પોલીસ સ્ટેશનમાં ફરિયાદ નોંધવામાં આવી છે. આ ફરિયાદમાં આચાર્ય દ્વારા વિદ્યાર્થીઓને શારીરિક રીતે હેરાન કરવાનો અને અયોગ્ય વર્તન કરવાનો ગંભીર આક્ષેપ કરવામાં આવ્યો છે.

પોલીસએ ફરિયાદની તપાસ શરૂ કરી અને કાયદેસરની કાર્યવાહી શરૂ કરવાની જાણ કરી છે. હાલ સુધી આક્ષેપોની હકીકત અને ઘટનાની સત્યતા તપાસ બાદ જ સ્પષ્ટ થશે, પરંતુ પોલીસ દ્વારા તાત્કાલિક પગલાં લેવામાં આવ્યા છે.

બ્રાનિયા ગામના રહેવાસીઓમાં આ ઘટનાને લઈને તીવ્ર રોષ જોવા મળી રહ્યો છે. ગામવાસીઓએ ગુજરાત રાજ્યના શિક્ષણ મંત્રી સમક્ષ રજૂઆત કરી છે, જેમાં તેઓ તાત્કાલિક અને નિષ્પક્ષ તપાસની માંગ કરે છે અને જો આક્ષેપો સત્ય સાબિત થાય તો જવાબદાર વ્યક્તિ સામે કડક કાયદેસરની તેમજ વિભાગીય કાર્યવાહી કરવાની વિનંતી કરે છે.

ગ્રામજનોનું કહેવું છે કે શાળા જેવી પવિત્ર જગ્યાએ વિદ્યાર્થીની સુરક્ષા સર્વોચ્ચ હોવી જોઈએ. તેથી તપાસ દરમ્યાન વિદ્યાર્થીઓની ઓળખ અને ગોપનીયતા જળવાઈ રહે, અને કોઈપણ પ્રકારનું દબાણ ન થાય તે માટે તંત્ર દ્વારા જરૂરી પગલાં લેવાય તેવી તેમની માંગ છે.