જામનગરના દરિયાકાંઠે હાઈ એલર્ટ, મરીન કમાન્ડો દ્વારા કડક પેટ્રોલિંગ

પશ્ચિમ એશિયામાં તણાવ વધતા, સુરક્ષા દૃષ્ટિકોણથી જામનગરના દરિયાકાંઠા વિસ્તારોમાં હાઈ એલર્ટ જાહેર કરવામાં આવી છે. રાજ્ય અને કેન્દ્રિય સુરક્ષા અધિકારીઓએ તાત્કાલિક પગલાં લઈને મરીન કમાન્ડોની ટીમો ને તાત્કાલિક કામગીરી માટે મોકલવામાં આવી છે.

રોજી બંદર, નવું-જૂનું બેડી બંદર, માધાપર ભુંગા અને જોડિયા ભુંગા જેવા સંવેદનશીલ વિસ્તારોમાં મરીન કમાન્ડો દ્વારા નિયમિત પેટ્રોલિંગ અને ચેકિંગ કરવામાં આવી રહી છે. આ વિસ્તારોમાં શંકાસ્પદ હિલચાલને રોકવા માટે કડક નિરીક્ષણ ચાલુ છે.

માછીમારી કેન્દ્રો, ફિશ લેન્ડિંગ પોઈન્ટ, જેટી, ઔદ્યોગિક અને અવાવરું વિસ્તારોમાં શંકાસ્પદ ગતિવિધિઓ પર ખાસ નજર રાખવામાં આવી રહી છે. માછીમારોને વિનંતી કરવામાં આવી છે કે કોઈ અજાણી બોટ કે શંકાસ્પદ વ્યક્તિ દેખાય તો તાત્કાલિક પોલીસને જાણ કરે.

રાષ્ટ્રીય સુરક્ષાને ધ્યાનમાં રાખીને દરિયાઈ સુરક્ષા વધુ મજબૂત બનાવવા માટે વધારાના પગલાં લેવામાં આવ્યા છે. મરીન કમાન્ડો અને સ્થાનિક પોલીસ વચ્ચે સહકાર વધારીને દરિયાકાંઠા ક્ષેત્રની સુરક્ષા સુનિશ્ચિત કરવામાં આવશે.