રાજકોટ: પોલીસની હાજરીમાં જ નંબર પ્લેટ વિનાના વાહને પેટ્રોલ પુરાવીને મારી ટક્કર

રાજકોટ શહેરમાં હાલ પોલીસ દ્વારા નંબર પ્લેટ વિનાના વાહનો સામે કડક ડ્રાઈવ ચલાવવામાં આવી રહી છે. આ દરમિયાન શહેરના ઈગલ પેટ્રોલ પંપ પરથી એક ચોંકાવનારા દ્રશ્યો સામે આવ્યા છે, જેમાં એક વાહન ચાલક નંબર પ્લેટ વિના જ પેટ્રોલ પુરાવીને બિન્દાસ્ત રીતે નીકળી ગયો હતો.

એક તરફ પોલીસ દ્વારા નિયમોનું ઉલ્લંઘન કરતા વાહન ચાલકો સામે કાર્યવાહી કરવામાં આવી રહી છે, તો બીજી તરફ પેટ્રોલ પંપ પર પોલીસની હાજરીમાં જ આ પ્રકારના વાહનો બેરોકટોક ફરી રહ્યા છે. નજર સામે રહેલા આવા વાહનોને પકડવામાં પોલીસ નિષ્ફળ જતી હોવાના આક્ષેપો પણ સ્થાનિકો દ્વારા કરવામાં આવી રહ્યા છે.

આ ઘટનાનો વીડિયો સોશિયલ મીડિયા પર વાયરલ થતા તંત્રની કામગીરી સામે સવાલો ઉભા થયા છે. ટ્રાફિકના નિયમોના પાલન માટે પોલીસ દ્વારા કરવામાં આવતી કામગીરી વચ્ચે આ પ્રકારની ઘટનાઓ તંત્રની કામગીરી પર પ્રશ્નાર્થ ચિન્હ મૂકે છે.