મોડાસાના લીંભોઈ ગામ નજીક સ્વિફ્ટ અને ઇકો કાર વચ્ચે ગમખ્વાર અકસ્માત, સદનસીબે મોટી જાનહાનિ ટળી

મોડાસા પંથકના લીંભોઈ ગામ નજીક સ્વિફ્ટ કાર અને ઇકો ગાડી વચ્ચે ગમખ્વાર અકસ્માત સર્જાયો હતો. આ અકસ્માત એટલો જોરદાર હતો કે ટક્કરને કારણે બંને વાહનોના આગળ અને પાછળના ભાગે ભારે નુકસાન પહોંચ્યું હતું.

ઘટના સમયે બંને વાહનોમાં મહિલાઓ અને બાળકો સહિતના મુસાફરો સવાર હતા. અકસ્માતની ગંભીરતા જોતા મોટી જાનહાનિની આશંકા સેવાઈ રહી હતી, પરંતુ સદનસીબે તમામ મુસાફરોનો આબાદ બચાવ થયો છે.

અકસ્માતની જાણ થતા જ આસપાસના સ્થાનિક લોકો તાત્કાલિક ઘટનાસ્થળે દોડી આવ્યા હતા. સ્થાનિકો દ્વારા મુસાફરોને મદદ કરવાની કામગીરી હાથ ધરવામાં આવી હતી.