ગણેશોત્સવનો પ્રારંભ: ભક્તિભાવ સાથે ગણપતિ બાપ્પાનું આગમન

ગણેશ ચતુર્થીના પવિત્ર પર્વ નિમિત્તે સમગ્ર રાજ્યમાં ગણપતિ બાપ્પાનું ભક્તિભાવપૂર્વક આગમન થયું છે. ભક્તોમાં ભારે ઉત્સાહ જોવા મળી રહ્યો છે અને ઠેર-ઠેર ગણપતિ મહોત્સવની ઉજવણી શરૂ થઈ ગઈ છે.

બાપ્પાના આગમનને લઈને ભક્તોમાં અનેરો ઉત્સાહ છે. લોકો વાજતે-ગાજતે અને ભક્તિમય વાતાવરણમાં ગણપતિની મૂર્તિઓને પોતાના ઘરે અને સાર્વજનિક પંડાલમાં સ્થાપિત કરી રહ્યા છે. 'ગણપતિ બાપ્પા મોરિયા'ના નાદથી વાતાવરણ ગુંજી ઉઠ્યું છે.j

આગામી દિવસોમાં ગણેશોત્સવ દરમિયાન વિવિધ ધાર્મિક અને સાંસ્કૃતિક કાર્યક્રમોનું આયોજન કરવામાં આવશે. ભક્તો દ્વારા બાપ્પાની પૂજા-અર્ચના અને આરતી કરવામાં આવશે, જેમાં મોટી સંખ્યામાં લોકો જોડાય તેવી શક્યતા છે.