મોડાસાના જીવનપુર-ભીલકુવા માર્ગ પર ટેન્કર ફસાતા વાહન વ્યવહાર ઠપ

મોડાસાના જીવનપુરથી ભીલકુવાને જોડતા મુખ્ય માર્ગ પર એક ટેન્કર ફસાઈ જવાની ઘટના સામે આવી છે. ટેન્કર રસ્તાની વચ્ચે ફસાઈ જતાં માર્ગ પર અવરજવર કરતા વાહનચાલકો મુશ્કેલીમાં મુકાયા છે.

આ ઘટનાને કારણે માર્ગની બંને તરફ વાહનોની લાંબી કતારો લાગી ગઈ છે અને વાહન વ્યવહાર સંપૂર્ણપણે ઠપ થઈ ગયો છે. રસ્તા પર વાહનો ફસાવાને કારણે સ્થાનિક રહીશોમાં ભારે રોષ જોવા મળી રહ્યો છે.

સ્થાનિક લોકો દ્વારા આ માર્ગ પર વારંવાર સર્જાતી સમસ્યાઓ અંગે તંત્રની કામગીરી સામે સવાલો ઉઠાવવામાં આવી રહ્યા છે. હાલમાં વાહન વ્યવહાર પૂર્વવત કરવા માટેના પ્રયાસો હાથ ધરવામાં આવ્યા છે.