ઉન્નાવમાં રાષ્ટ્રગાન દરમિયાન કાર્યક્રમ સ્થળ છોડતા સતીશ મહાનાનો વીડિયો વાયરલ, વિવાદ વધતા આપી સ્પષ્ટતા

ઉન્નાવમાં આયોજિત એક કાર્યક્રમ દરમિયાન ઉત્તર પ્રદેશ વિધાનસભાના અધ્યક્ષ અને ભાજપના વરિષ્ઠ નેતા સતીશ મહાનાનો એક વીડિયો સોશિયલ મીડિયા પર ભારે ચર્ચાનો વિષય બન્યો છે. વીડિયોમાં રાષ્ટ્રગાન શરૂ થતાની સાથે જ સતીશ મહાના કાર્યક્રમ સ્થળની બહાર જતા જોવા મળે છે, જેના કારણે સોશિયલ મીડિયા પર વિવાદ ઊભો થયો હતો.

આ ઘટના બાદ સોશિયલ મીડિયા પર વિવિધ પ્રતિક્રિયાઓ સામે આવી હતી અને લોકોએ આ મુદ્દે સવાલો ઉઠાવ્યા હતા. વિવાદ વધતા સતીશ મહાનાએ સમગ્ર મામલે પોતાની સ્પષ્ટતા રજૂ કરી છે.

પોતાના બચાવમાં સતીશ મહાનાએ જણાવ્યું હતું કે, રાષ્ટ્રગાનનો અવાજ ઘણી દૂરથી આવી રહ્યો હતો. તેમણે વધુમાં સ્પષ્ટ કર્યું હતું કે તેઓ કાર્યક્રમ સ્થળની બહાર નીકળીને ત્યાં જ ઉભા રહી ગયા હતા અને રાષ્ટ્રગાનને બાકાયદા સલામી આપી રહ્યા હતા.