દાંતામાં પોલીસની નાકાબંધી દરમિયાન દારૂ ભરેલી ક્રેટા કાર ઝડપાઈ

દાંતા પોલીસ દ્વારા કાયદો અને વ્યવસ્થા જાળવવાના ભાગરૂપે વિસ્તારમાં સઘન નાકાબંધી કરવામાં આવી હતી. આ દરમિયાન પોલીસની ટીમે શંકાસ્પદ જણાતી એક ક્રેટા કારને અટકાવી હતી.

પોલીસે કારની તલાશી લેતા તેમાંથી વિદેશી દારૂનો મોટો જથ્થો મળી આવ્યો હતો. પોલીસે દારૂનો જથ્થો અને કાર કબજે કરી આગળની કાયદેસરની કાર્યવાહી હાથ ધરી છે.

પોલીસની આ સફળ કામગીરીને પગલે દારૂના વેપારીઓમાં ફફડાટ ફેલાઈ ગયો છે. આ મામલે વધુ તપાસ પોલીસ દ્વારા કરવામાં આવી રહી છે.