અમદાવાદ: મેઘાણીનગરમાં બુટલેગરોને ત્યાં પોલીસની દરોડા કાર્યવાહી, વાહન ચેકિંગ પણ હાથ ધરાયું

અમદાવાદ શહેર પોલીસ દ્વારા ગુનાખોરી ડામવા માટે સઘન કાર્યવાહી હાથ ધરવામાં આવી છે. આ અભિયાનના ભાગરૂપે, અમદાવાદના નાયબ પોલીસ કમિશનર ઝોન-૪ દ્વારા મેઘાણીનગર પોલીસ સ્ટેશન વિસ્તારમાં લિસ્ટેડ બુટલેગરોને ત્યાં અને તેમની સંભવિત છુપાયેલી જગ્યાઓ પર પ્રોહિબિશન અંતર્ગત દરોડા પાડવામાં આવ્યા હતા.

આ દરોડા દરમિયાન પોલીસ દ્વારા કાયદાકીય કાર્યવાહી કરવામાં આવી હતી. આ ઉપરાંત, કાયદો અને વ્યવસ્થાની સ્થિતિ જાળવી રાખવા માટે ઘંટી બસ સ્ટેન્ડ ખાતે પોલીસ દ્વારા ખાસ વાહન ચેકિંગ પણ હાથ ધરવામાં આવ્યું હતું.

અમદાવાદ શહેર પોલીસની આ કામગીરીથી વિસ્તારમાં બુટલેગરોમાં ફફડાટ વ્યાપી ગયો છે. પોલીસ દ્વારા આગામી સમયમાં પણ આવી કાર્યવાહી ચાલુ રાખવામાં આવશે તેમ જાણવા મળ્યું છે.