ઇડર શહેરમાં ટ્રાફિક ડ્રાઇવ: રસ્તા પર અવ્યવસ્થિત પાર્ક કરેલા ૨૦થી વધુ વાહનો સામે કાર્યવાહી

ઇડર શહેરમાં સતત વધતા વાહનવ્યવહાર અને ટ્રાફિક જામની સમસ્યાને નિવારવા માટે આજરોજ ઇડર ટાઉન પોલીસ દ્વારા એક વિશેષ ટ્રાફિક ડ્રાઇવનું આયોજન કરવામાં આવ્યું હતું. આ ડ્રાઇવ અંતર્ગત શહેરના મુખ્ય બજાર અને ગીચ વિસ્તારોમાં પોલીસ દ્વારા સઘન ચેકિંગ હાથ ધરવામાં આવ્યું હતું.

આ કાર્યવાહી દરમિયાન રસ્તાની બાજુમાં અવ્યવસ્થિત રીતે પાર્ક કરવામાં આવેલા ૨૦થી વધુ વાહનો સામે કડક દંડનાત્મક કાર્યવાહી કરવામાં આવી હતી. પોલીસ દ્વારા વેપારી મંડળો અને વાહનચાલકોને ભવિષ્યમાં ટ્રાફિકના નિયમોનું પાલન કરવા અને વાહનો યોગ્ય પાર્કિંગ સ્થળે જ પાર્ક કરવા માટે કડક સૂચના આપવામાં આવી છે.

પોલીસ તંત્ર દ્વારા સ્પષ્ટ કરવામાં આવ્યું છે કે ટ્રાફિકની સમસ્યા દૂર કરવા માટે આગામી દિવસોમાં પણ આવી ડ્રાઇવ સતત ચાલુ રાખવામાં આવશે. પોલીસની આ સરાહનીય કામગીરીથી શહેરના મુખ્ય માર્ગો પર ટ્રાફિકની ગતિ સુચારુ બનશે અને રાહદારીઓને મોટી રાહત મળશે.