અમદાવાદના વાસણા વિસ્તારમાંથી નશાકારક કફ સિરપનો મોટો જથ્થો ઝડપાયો

અમદાવાદના વાસણા વિસ્તારમાં પોલીસે બાતમીના આધારે દરોડો પાડીને નશાકારક કફ સિરપનો મોટો જથ્થો ઝડપી પાડ્યો છે. પોલીસ તપાસ દરમિયાન આરોપી પાસેથી કોડેઇનયુક્ત કફ સિરપની કુલ ૩૮૭ બોટલો મળી આવી હતી.

પ્રાથમિક તપાસમાં સામે આવ્યું છે કે જપ્ત કરવામાં આવેલી તમામ કફ સિરપની બોટલો એક જ કંપનીની છે. પોલીસે આ જથ્થાને કબજે કરીને કાયદેસરની કાર્યવાહી હાથ ધરી છે.

પોલીસના જણાવ્યા અનુસાર, એક બોટલની કિંમત ૨૬૧ રૂપિયા લેખે કુલ ૧,૦૧,૦૦૭ રૂપિયાની કિંમતનો નશાકારક જથ્થો જપ્ત કરવામાં આવ્યો છે. આ મામલે વધુ તપાસ ચાલુ છે.