ઉત્તર પ્રદેશના રાજ્યપાલ આનંદીબેન પટેલે અમદાવાદથી તેજસ એક્સપ્રેસ દ્વારા સુરતની મુસાફરી કરી

ઉત્તર પ્રદેશના રાજ્યપાલ શ્રીમતી આનંદીબેન પટેલે આજે અમદાવાદ રેલવે સ્ટેશનની મુલાકાત લીધી હતી. અહીંથી તેમણે તેજસ એક્સપ્રેસ ટ્રેનમાં બેસીને સુરત જવા માટે પ્રસ્થાન કર્યું હતું.

આ પ્રસંગે અમદાવાદ રેલવે મંડળના ડીઆરએમ (DRM) વેદ પ્રકાશે રાજ્યપાલશ્રીનું ઉષ્માભર્યું સ્વાગત કર્યું હતું. મુલાકાત દરમિયાન રેલવે અધિકારીઓએ રાજ્યપાલને અમદાવાદ રેલવે સ્ટેશનના ચાલી રહેલા પુનર્વિકાસ કાર્ય અંગે વિગતવાર માહિતી આપી હતી.

ડીઆરએમ વેદ પ્રકાશે રાજ્યપાલને સ્ટેશન પર મુસાફરો માટે તૈયાર કરવામાં આવી રહેલી આધુનિક, વિશ્વસ્તરીય અને મુસાફરકેન્દ્રિત સુવિધાઓના કામની પ્રગતિથી પણ અવગત કરાવ્યા હતા.