અમદાવાદ સાયન્સ સિટીમાં પેંગ્વિનના બે બચ્ચાઓનો જન્મ, મંત્રી અર્જુન મોઢવાડિયાએ કર્યું નામકરણ

અમદાવાદ સ્થિત સાયન્સ સિટીમાં આવેલા એક્વેટિક ગેલેરીમાં ખુશીનો માહોલ જોવા મળ્યો છે. અહીં પેંગ્વિને બે બચ્ચાઓને જન્મ આપ્યો છે, જેને લઈને સાયન્સ સિટી તંત્ર દ્વારા વિશેષ ઉત્સાહ વ્યક્ત કરવામાં આવ્યો છે.

આ નવા જન્મેલા પેંગ્વિનના બચ્ચાઓના નામકરણ માટે એક ખાસ કાર્યક્રમનું આયોજન કરવામાં આવ્યું હતું. આ કાર્યક્રમમાં રાજ્યના મંત્રી અર્જુન મોઢવાડિયા વિશેષ ઉપસ્થિત રહ્યા હતા અને તેમના હસ્તે બચ્ચાઓનું નામકરણ કરવામાં આવ્યું હતું.

સાયન્સ સિટીમાં પેંગ્વિનની સંખ્યામાં થયેલો આ વધારો પ્રવાસીઓ માટે આકર્ષણનું કેન્દ્ર બન્યો છે. વહીવટીતંત્ર દ્વારા આ બચ્ચાઓની યોગ્ય કાળજી લેવામાં આવી રહી છે અને તેમના સ્વાસ્થ્ય પર સતત દેખરેખ રાખવામાં આવી રહી છે.