શહેરાના કવાલી ગામમાં જિયો ટાવરની કામગીરી બાદ બીજા જ દિવસે સેવા ખોરવાઈ

પંચમહાલ જિલ્લાના શહેરા તાલુકાના કવાલી ગામમાં આવેલ જિયો કંપનીના ટાવરમાં ટેકનિકલ ખામી સર્જાતા રિપેરિંગ કામગીરી હાથ ધરવામાં આવી હતી. કંપનીના કર્મચારીઓ દ્વારા ટાવરનું સમારકામ કરવામાં આવ્યું હતું.

જોકે, રિપેરિંગ કામગીરી પૂર્ણ થયાના બીજા જ દિવસે ટાવરની સેવાઓ ફરી બંધ થઈ ગઈ છે. ટાવર બંધ થઈ જવાથી ગામના ગ્રાહકોને નેટવર્ક અને ઈન્ટરનેટની સુવિધા મેળવવામાં ભારે મુશ્કેલીનો સામનો કરવો પડી રહ્યો છે.

વારંવાર ખોરવાતી આ સેવાને કારણે સ્થાનિક લોકોમાં રોષ જોવા મળી રહ્યો છે. ગ્રાહકો દ્વારા આ બાબતે તાત્કાલિક કાયમી ઉકેલ લાવવાની માંગ કરવામાં આવી છે.