છોટાઉદેપુરના બોડેલીમાં અનોખી 'સાડી દોડ'નું આયોજન: મહિલાઓએ ફિટનેસ અને નારી શક્તિનો આપ્યો સંદેશ

છોટાઉદેપુર જિલ્લાના બોડેલી ખાતે તાજેતરમાં એક અનોખી 'સાડી દોડ' સ્પર્ધાનું આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય મહિલાઓમાં ફિટનેસ પ્રત્યે જાગૃતિ લાવવાનો અને નારી શક્તિનું પ્રદર્શન કરવાનો હતો. પરંપરાગત સાડી પહેરીને દોડતી મહિલાઓ આકર્ષણનું કેન્દ્ર બની હતી.

આ સ્પર્ધામાં યુવતીઓથી લઈને સિનિયર સિટિઝન મહિલાઓએ પણ ખૂબ જ ઉત્સાહ સાથે ભાગ લીધો હતો. સાડી જેવી ભારતીય પોશાક પહેરીને દોડતી મહિલાઓએ સમાજમાં શારીરિક સ્વાસ્થ્ય અને સશક્તિકરણનો મજબૂત સંદેશ આપ્યો હતો.

આ કાર્યક્રમ દરમિયાન મહિલાઓનો ઉત્સાહ જોઈને જિલ્લા કલેક્ટર ગાર્ગી જૈન પણ ખૂબ પ્રભાવિત થયા હતા અને તેમની સાથે ઉત્સાહમાં જોડાઈને ઝૂમી ઉઠ્યા હતા. આ આયોજનને સ્થાનિક સ્તરે ખૂબ જ સકારાત્મક પ્રતિસાદ મળ્યો હતો.