જંબુસર યુનિયન જીન ખાતે નકલી કુપન દ્વારા ખાતર મેળવવાનું કૌભાંડ: બે આરોપીઓ ઝડપાયા

જંબુસર યુનિયન જીન ખાતે નકલી કુપનનો ઉપયોગ કરીને ખાતર મેળવવાનો ગંભીર કિસ્સો સામે આવ્યો છે. આ મામલે સંસ્થાના ચેરમેન જીતેન્દ્ર પટેલે પોલીસ ફરિયાદ નોંધાવતા તપાસ શરૂ કરવામાં આવી હતી. તપાસ દરમિયાન સ્થળ પરથી 15 નકલી કુપન મળી આવી હતી.

આ ઘટનાના પગલે જંબુસર પોલીસે મુસ્તકીમ અશરફ અને સફવાન ઈદ્રીસ નામના બે વ્યક્તિઓની ધરપકડ કરી હતી. બંને આરોપીઓ સામે ગુનો નોંધીને કાયદેસરની કાર્યવાહી હાથ ધરવામાં આવી છે.

પોલીસે બંને આરોપીઓને જંબુસર કોર્ટમાં રજૂ કર્યા હતા. કોર્ટે સમગ્ર મામલાની ગંભીરતાને ધ્યાનમાં રાખીને બંને આરોપીઓને અઢી દિવસના પોલીસ રિમાન્ડ પર સોંપવાનો આદેશ કર્યો છે.