દીવના વણાંકબારા નજીક દરિયામાં માછીમારી બોટ ડૂબી: તમામ ખલાસીઓનો આબાદ બચાવ

દીવના વણાંકબારા નજીક દરિયામાં માછીમારી કરવા ગયેલી એક બોટ અચાનક ડૂબી જતાં ભારે અફરાતફરી મચી ગઈ હતી. માછીમારી દરમિયાન બોટમાં પાણી ભરાઈ જતાં તે જળસમાધિ લેવા લાગી હતી, જેના કારણે બોટમાં સવાર તમામ ખલાસીઓના જીવ અધ્ધર થઈ ગયા હતા.

જોકે, સદનસીબે સમયસૂચકતા અને તાત્કાલિક હાથ ધરવામાં આવેલી બચાવ કામગીરીના કારણે બોટમાં સવાર તમામ ખલાસીઓને સુરક્ષિત રીતે બહાર કાઢી લેવામાં આવ્યા હતા. આ સફળ બચાવ કામગીરીને પગલે મોટી હોનારત ટળી હતી અને સૌએ રાહતનો શ્વાસ લીધો હતો.