રાજકોટ સાયબર ક્રાઇમની સોશિયલ મીડિયા ઇન્ફ્લુએન્સર્સ સાથે બેઠક: ભ્રામક જાહેરાતો સામે કડક ચેતવણી

રાજકોટ સાયબર ક્રાઇમ વિભાગ દ્વારા સોશિયલ મીડિયા ઇન્ફ્લુએન્સર્સ સાથે એક મહત્વપૂર્ણ બેઠકનું આયોજન કરવામાં આવ્યું હતું. આ બેઠકનો મુખ્ય ઉદ્દેશ્ય ઇન્ફ્લુએન્સર્સને સોશિયલ મીડિયા પ્લેટફોર્મ પર કરવામાં આવતી ભ્રામક અને ગેરકાયદેસર સ્કીમોની જાહેરાતો અંગે જાગૃત કરવાનો હતો.

બેઠક દરમિયાન સાયબર ક્રાઇમ અધિકારીઓએ સ્પષ્ટ કર્યું હતું કે, સોશિયલ મીડિયા પર લોભામણી કે ગેરકાયદેસર સ્કીમોનો પ્રચાર કરવો એ કાયદાકીય ગુનો બની શકે છે. ઇન્ફ્લુએન્સર્સે કોઈપણ પ્રોડક્ટ કે સ્કીમની જાહેરાત કરતા પહેલા તેની ખરાઈ કરવી અત્યંત આવશ્યક છે.

સાયબર ક્રાઇમ વિભાગે તમામ ઇન્ફ્લુએન્સર્સને કડક ચેતવણી આપી છે કે જો ભવિષ્યમાં કોઈ પણ પ્રકારની ભ્રામક કે ગેરકાયદેસર જાહેરાતો જોવા મળશે, તો જવાબદાર વ્યક્તિઓ સામે કાયદેસરની કડક કાર્યવાહી કરવામાં આવશે. આ પગલાનો હેતુ સામાન્ય નાગરિકોને સાયબર ફ્રોડથી બચાવવાનો છે.