અમદાવાદના કાલુપુર રેલ્વે સ્ટેશન વિસ્તારમાં પોલીસનું સઘન કોમ્બિંગ, રિક્ષાઓનું કરાયું ચેકિંગ

અમદાવાદ શહેરના કાલુપુર રેલ્વે સ્ટેશન અને તેની આસપાસના વિસ્તારોમાં સુરક્ષા વ્યવસ્થાને વધુ સુદ્રઢ બનાવવાના હેતુથી પોલીસ દ્વારા સઘન કોમ્બિંગ ડ્રાઇવનું આયોજન કરવામાં આવ્યું હતું. નાયબ પોલીસ કમિશનર, ઝોન-૩ ના માર્ગદર્શન હેઠળ આ વિશેષ કામગીરી હાથ ધરવામાં આવી હતી.

આ ડ્રાઇવ દરમિયાન પોલીસ દ્વારા વિસ્તારમાં અવરજવર કરતી રિક્ષાઓનું ઝીણવટભર્યું ચેકિંગ કરવામાં આવ્યું હતું. મુસાફરોની સુરક્ષા સુનિશ્ચિત કરવા અને કોઈપણ પ્રકારની અનિચ્છનીય ઘટનાઓને અટકાવવા માટે પોલીસ સતર્ક જોવા મળી હતી.

અમદાવાદ પોલીસ દ્વારા કરવામાં આવેલી આ કામગીરીનો મુખ્ય ઉદ્દેશ્ય રેલ્વે સ્ટેશન વિસ્તારમાં આવતા મુસાફરો સુરક્ષિત અનુભવે અને કાયદો-વ્યવસ્થાની સ્થિતિ જળવાઈ રહે તે સુનિશ્ચિત કરવાનો હતો.