હળવદમાં જૂની મામલતદાર કચેરી પાસે બે કિમી સુધી ગંદા પાણીનો ભરાવો, સ્થાનિકો પરેશાન

હળવદ શહેરમાં આવેલી જૂની મામલતદાર કચેરીથી લઈને બે કિમી સુધીના મુખ્ય માર્ગ પર ગંદા પાણીનો અડિંગો જામ્યો છે. રસ્તા પર ભરાયેલા આ ગંદા પાણીને કારણે સ્થાનિક રહીશો અને વાહનચાલકોને ભારે હાલાકીનો સામનો કરવો પડી રહ્યો છે.

રસ્તા પર સતત ભરાઈ રહેતા પાણીને કારણે દુર્ગંધ ફેલાઈ રહી છે, જેના લીધે રોગચાળો ફેલાવવાનો ભય પણ સ્થાનિકોમાં જોવા મળી રહ્યો છે. આ વિસ્તારમાંથી પસાર થતા રાહદારીઓ માટે પણ ચાલવું મુશ્કેલ બન્યું છે.

સ્થાનિકો દ્વારા આ સમસ્યાના કાયમી ઉકેલ માટે તંત્ર સમક્ષ તાત્કાલિક ધોરણે યોગ્ય કાર્યવાહી કરવાની માંગ કરવામાં આવી છે, જેથી આ વિસ્તારના લોકોને ગંદા પાણી અને દુર્ગંધમાંથી મુક્તિ મળી શકે.