ભાવનગર લઠ્ઠાકાંડ બાદ અરવલ્લીની રતનપુર બોર્ડર પર પોલીસનું સઘન ચેકિંગ શરૂ

ભાવનગર લઠ્ઠાકાંડની ઘટના બાદ રાજ્યમાં દારૂબંધીના કડક અમલ માટે પોલીસ તંત્ર એલર્ટ મોડ પર આવી ગયું છે. આ અંતર્ગત અરવલ્લીની રતનપુર બોર્ડર પર પોલીસ દ્વારા 'રાઉન્ડ ધ ક્લોક' એટલે કે ચોવીસ કલાક ચેકિંગની કામગીરી શરૂ કરવામાં આવી છે.

રાજસ્થાનથી ગુજરાતમાં પ્રવેશતા તમામ નાના-મોટા વાહનોનું પોલીસ દ્વારા સઘન સર્ચિંગ કરવામાં આવી રહ્યું છે. બિનઅધિકૃત ચીજવસ્તુઓ કે દારૂની હેરાફેરી રોકવા માટે આ કડક પગલાં લેવામાં આવ્યા છે.

જિલ્લા હાઇવે ટ્રાફિક પોલીસ અને સ્થાનિક પોલીસના જવાનો દ્વારા સંયુક્ત રીતે આ નાકાબંધી અને વાહન ચેકિંગની કામગીરી હાથ ધરવામાં આવી છે. બોર્ડર પર સતત પોલીસ બંદોબસ્ત ગોઠવીને વાહનોની અવરજવર પર ચાંપતી નજર રાખવામાં આવી રહી છે.