અમદાવાદના હાથીજણ વિસ્તારમાં એસિડ ભરેલી ગાડી પલટી, સ્થાનિકોમાં ફફડાટ

અમદાવાદના હાથીજણ વિસ્તારમાં ગંભીર અકસ્માતની ઘટના સામે આવી છે. છત્રાલથી એસિડ ભરીને નીકળેલી એક ગાડી વટવા જીઆઇડીસી તરફ જઈ રહી હતી, તે દરમિયાન વીજલ દંપેશ્વર મંદિર રોડ પર ગાડી અચાનક પલટી મારી ગઈ હતી.

અકસ્માત બાદ ગાડીમાંથી એસિડ બીજી ગાડીઓમાં ફેરવવાની કામગીરી હાથ ધરવામાં આવતા સ્થાનિક લોકો ભારે પરેશાનીમાં મુકાયા છે. અકસ્માત સ્થળથી માત્ર ૧૦૦ મીટરના અંતરે જ રહેણાંક વિસ્તાર આવેલો હોવાથી સ્થાનિક રહીશોમાં ભય અને ચિંતાનો માહોલ જોવા મળી રહ્યો છે.