રાજકોટ સિવિલ હોસ્પિટલમાં ગઈકાલે રાત્રે જુનિયર મહિલા તબીબ સાથે સિનિયર મેડિકલ ઓફિસર દ્વારા

રાજકોટ સિવિલ હોસ્પિટલમાં ગઈકાલે રાત્રે જુનિયર મહિલા તબીબ સાથે સિનિયર મેડિકલ ઓફિસર દ્વારા અભદ્ર ભાષાનો ઉપયોગ કરી ઉદ્ધતાઈભર્યું વર્તન કરવાનો મામલો સામે આવ્યો છે. આ ઘટનાના વિરોધમાં રેસિડેન્ટ ડોક્ટરો રાત્રે જ હડતાલ પર બેસ્યા હતા અને પ્રદ્યુમન નગર પોલીસ સ્ટેશન ખાતે સંબંધિત મેડિકલ ઓફિસર સામે ફરિયાદ નોંધાવી હતી. પોલીસ દ્વારા આરોપી તબીબની અટકાયત કરીને આગળની તપાસ હાથ ધરવામાં આવી છે. નોંધનીય છે કે આરોપી મેડિકલ ઓફિસર અશ્વિન રામાણી સામે અગાઉ પણ ફરિયાદો થઈ ચૂકી છે. આ ઘટના બાદ મહિલા તબીબોની સુરક્ષા પર ગંભીર સવાલો ઊભા થયા છે અને તંત્ર પાસે આરોપી સામે કડક તથા દાખલારૂપ કાર્યવાહી કરવાની માગ ઉઠી રહી છે