દિલ્હીના જંતર-મંતર પર વિરોધ પ્રદર્શન: પરવાનગી વગર એકઠા થયેલા લોકોની અટકાયત

દિલ્હીના જંતર-મંતર પર આજે સવર્ણ સમાજના લોકો દ્વારા વિરોધ પ્રદર્શન કરવામાં આવ્યું હતું. આ પ્રદર્શનકારીઓ UGC અને SC-ST અનામત વ્યવસ્થામાં સુધારાની માંગ કરી રહ્યા હતા. મોટી સંખ્યામાં લોકો એકઠા થતા વિસ્તારમાં માહોલ ગરમાયો હતો.

સ્થાનિક વહીવટીતંત્રની પૂર્વ મંજૂરી વગર આ આંદોલન કરવામાં આવી રહ્યું હોવાથી દિલ્હી પોલીસે કડક વલણ અપનાવ્યું હતું. કાયદો અને વ્યવસ્થા જાળવવા માટે પોલીસે રેપિડ એક્શન ફોર્સ (RAF) સાથે મળીને સ્થળ પર કાર્યવાહી હાથ ધરી હતી.

પોલીસે વિસ્તારમાં કલમ 163 BNSS લાગુ કરી હતી અને પરવાનગી વગર વિરોધ કરવા બદલ અનેક લોકોની અટકાયત કરી હતી. અટકાયત કરાયેલા લોકોને પોલીસ બસમાં બેસાડીને અન્ય સ્થળે ખસેડવામાં આવ્યા હતા.