ખેડબ્રહ્મા-ઝાંઝવા રૂટ પર ભગવાન બિરસા મુંડા જનજાતિય ગૌરવ પરિવહન બસ સેવા શરૂ

ખેડબ્રહ્મા અને ઝાંઝવા વચ્ચે આદિવાસી વિસ્તારોમાં ભગવાન બિરસા મુંડા જનજાતિય ગૌરવ પરિવહન હેઠળ નવી બસ સેવા શરૂ કરવામાં આવી છે. આ બસ સેવા રોજ સવારે ખેડબ્રહ્માથી આવે છે અને ઝાંઝવા બસ સ્ટેન્ડથી સવારે 9:25 કલાકે ઉપડે છે.

આ સુવિધાનો લાભ લેવા માટે ઝાંઝવા અને પાણાઈ ગામના તમામ વિદ્યાર્થીઓને બસ પાસનો ઉપયોગ કરવા માટે જણાવવામાં આવ્યું છે. ખાસ કરીને વિદ્યાર્થીનીઓ માટે બસ પાસની સુવિધા સંપૂર્ણપણે નિઃશુલ્ક છે.

તંત્ર દ્વારા તમામ વાલીઓને અપીલ કરવામાં આવી છે કે તેઓ પોતાના બાળકોને સુરક્ષિત મુસાફરી માટે સરકારી બસ સેવાનો મહત્તમ ઉપયોગ કરાવે. આ સેવા આદિવાસી વિસ્તારોમાં શિક્ષણ અને અવરજવરને સરળ બનાવવાના ઉદ્દેશ્ય સાથે શરૂ કરવામાં આવી છે.