રાજકોટમાં કચરો નાખવાની બાબતે બે જૂથ વચ્ચે મારામારી, સીસીટીવીમાં ઘટના કેદ

રાજકોટના મોરબી જકાતનાકા પાસે આવેલા અક્ષરધામ વિસ્તારમાં કચરો ફેંકવા જેવી સામાન્ય બાબતે બે જૂથ વચ્ચે તકરાર સર્જાઈ હતી. આ મામલે પાડોશી મહિલાએ કચરો ન નાખવા માટે સમજાવટ કરી હતી, જે બાબતે વિવાદ વકર્યો હતો.

પાડોશી મહિલાની વાતથી ઉશ્કેરાઈ ગયેલી માતા-દીકરીએ તેમની સાથે ઝઘડો શરૂ કર્યો હતો. આ ઝઘડા દરમિયાન ઉશ્કેરાયેલી માતા-દીકરીએ પાડોશી મહિલાને માર માર્યો હોવાનું સામે આવ્યું છે.

સમગ્ર ઘટનાના દ્રશ્યો નજીકમાં લાગેલા સીસીટીવી કેમેરામાં કેદ થયા હતા. આ વીડિયો ફૂટેજમાં મહિલાઓ વચ્ચે થયેલી મારામારી સ્પષ્ટપણે જોઈ શકાય છે. હાલ આ મામલે વધુ તપાસ હાથ ધરવામાં આવી છે.