સેનાના જવાનો સાથે ગેરવર્તણૂક અને વિવાદિત ટિપ્પણી કરનાર મહિલાએ માફી માગવી પડી

તાજેતરમાં સોશિયલ મીડિયા પર એક વીડિયો વાયરલ થયો છે, જેમાં 'ઝેન જી' તરીકે ઓળખાવતી એક મહિલા ભારતીય સેનાના જવાનો સાથે ગેરવર્તણૂક કરતી અને તેમની સાથે ઝઘડવાનો પ્રયાસ કરતી જોવા મળી રહી છે. આ વીડિયોમાં મહિલા માત્ર જવાનોને ઉશ્કેરતી જ નથી, પરંતુ તેની પાછળ ઉભેલા અન્ય લોકોને પણ સેના વિરુદ્ધ ભડકાવવાનો પ્રયાસ કરી રહી છે.

આ ઘટનાનો વીડિયો વાયરલ થયા બાદ સોશિયલ મીડિયા પર લોકોમાં ભારે આક્રોશ જોવા મળ્યો હતો. દેશની સુરક્ષા માટે તૈનાત જવાનો વિશે કરવામાં આવેલી આ પ્રકારની ટિપ્પણી અને તેમના પ્રત્યેના અપમાનજનક વ્યવહારને લઈને લોકોએ તીખી પ્રતિક્રિયા આપી હતી.

લોકોના આક્રોશ અને ભારે દબાણ બાદ આખરે તે મહિલાએ પોતાની ભૂલ સ્વીકારીને માફી માગવી પડી છે. આ ઘટનાએ ફરી એકવાર દેશમાં રહીને સુરક્ષા દળોના સન્માન અને નાગરિકોની જવાબદારી અંગે ચર્ચા જગાવી છે.