મેઘરજ-સંજેલી માર્ગ પર બોલેરો ગાડીની અડફેટે ગાયનું મોત, ટ્રાફિક જામ સર્જાયો

મેઘરજથી સંજેલી તરફ જતા માર્ગ પર એક ગંભીર માર્ગ અકસ્માત સર્જાયો હતો. પૂરપાટ ઝડપે આવી રહેલી બોલેરો ગાડી (GJ-12-BX-1037)ની અડફેટે રસ્તા પરથી પસાર થઈ રહેલી એક ગાય આવી ગઈ હતી, જેના કારણે ગાયનું ઘટનાસ્થળે જ કમકમાટીભર્યું મોત નીપજ્યું હતું.

અકસ્માત એટલો જોરદાર હતો કે બોલેરો ગાડીના આગળના ભાગે ભારે નુકસાન પહોંચ્યું હતું. બનાવની જાણ થતા જ આસપાસના સ્થાનિક લોકો અને રાહદારીઓના ટોળેટોળાં ઘટનાસ્થળે એકઠા થઈ ગયા હતા.

આ અકસ્માતને પગલે માર્ગ પર થોડા સમય માટે ટ્રાફિક જામની સ્થિતિ સર્જાઈ હતી, જેના કારણે વાહનચાલકોને મુશ્કેલીનો સામનો કરવો પડ્યો હતો.