હાર્વર્ડ યુનિવર્સિટીમાં પ્રથમવાર ભારત બહાર તુલસી જયંતિની ભવ્ય ઉજવણી

હાર્વર્ડ યુનિવર્સિટીના સેન્ડર્સ થિયેટરમાં પરમ પૂજ્ય મોરારી બાપૂની નવદિવસીય રામકથા ‘માનસ ગુરૂ પ્રસાદ’નું આયોજન કરવામાં આવ્યું હતું. આ કથાના મંચ પરથી પ્રથમવાર ભારતની બહાર તુલસી જયંતિની વિશેષ ઉજવણી કરવામાં આવી હતી, જે ભારતીય સંસ્કૃતિ માટે ગૌરવની ક્ષણ બની હતી.

આ ઐતિહાસિક પ્રસંગે વિદેશની ધરતી પર પહેલીવાર તુલસી, વ્યાસ, વાલ્મીકિ અને રત્નાવલી એવોર્ડ્સ એનાયત કરવામાં આવ્યા હતા. આ એવોર્ડ્સ દ્વારા સાહિત્યિક અને આધ્યાત્મિક ક્ષેત્રે યોગદાન આપનાર મહાનુભાવોનું સન્માન કરવામાં આવ્યું હતું.

રામચરિતમાનસ અને ગોસ્વામી તુલસીદાસની સાહિત્યિક-આધ્યાત્મિક પરંપરાનો વૈશ્વિક સ્તરે પ્રસાર કરવાના ઉદ્દેશ્ય સાથે આ કાર્યક્રમ યોજાયો હતો. હાર્વર્ડ જેવી પ્રતિષ્ઠિત યુનિવર્સિટીમાં થયેલી આ ઉજવણીએ ભારતીય સંસ્કૃતિ અને મૂલ્યોને વિશ્વ મંચ પર નવી ઓળખ અપાવી છે.