કેશોદ-સોદરડા રોડ પર એસ.ટી. બસ અને એક્ટીવા વચ્ચે ગમખ્વાર અકસ્માત: યુવતીનું મોત

કેશોદ-સોદરડા રોડ પર એસ.ટી. બસ અને એક્ટીવા વચ્ચે ગમખ્વાર અકસ્માત સર્જાયો હતો. આ અકસ્માતમાં એક્ટીવા ચાલક યુવતીને ગંભીર ઇજાઓ પહોંચતા તેનું ઘટનાસ્થળે જ મોત નીપજ્યું હોવાની માહિતી સામે આવી છે.

ઘટનાની જાણ થતાં જ સ્થાનિક પોલીસ અને 108ની ટીમ તાત્કાલિક ઘટનાસ્થળે પહોંચી હતી. અકસ્માતને પગલે માર્ગ પર ટ્રાફિક વ્યવસ્થા પણ થોડા સમય માટે ખોરવાઈ ગઈ હતી, જેને પોલીસે પૂર્વવત કરાવી હતી.

યુવતીના અકાળે અવસાનને પગલે પરિવારમાં શોકનો માહોલ છવાઈ ગયો છે. સમગ્ર બનાવ અંગે પોલીસ દ્વારા વધુ તપાસ હાથ ધરવામાં આવી છે.