ભાવનગરના વિદ્યાનગરમાં પ્રાથમિક શાળાના શિક્ષકનું શંકાસ્પદ મોત, ડુપ્લીકેટ દારૂની બોટલ મળી આવી

ભાવનગરના વિદ્યાનગર વિસ્તારમાં રહેતા એક પ્રાથમિક શાળાના શિક્ષકનું શંકાસ્પદ સંજોગોમાં મોત નીપજ્યું છે. આ ઘટનાને પગલે સ્થાનિક વિસ્તારમાં ભારે ચકચાર મચી જવા પામી છે.

ઘટનાની જાણ થતા તપાસ હાથ ધરવામાં આવી હતી, જેમાં પ્રાથમિક તપાસ દરમિયાન શિક્ષકના ઘરની અંદરથી રોયલ સ્ટેગ બ્રાન્ડની ડુપ્લીકેટ દારૂની બોટલ મળી આવી છે. આ બોટલના કારણે જ શિક્ષકનું મોત થયું હોવાની આશંકા સેવાઈ રહી છે.

પોલીસ દ્વારા આ મામલે વધુ તપાસ કરવામાં આવી રહી છે કે આ ડુપ્લીકેટ દારૂ ક્યાંથી આવ્યો અને આ ઘટના પાછળનું ચોક્કસ કારણ શું છે. શિક્ષકના અચાનક મોતથી પરિવાર અને શિક્ષણ જગતમાં શોકનું મોજું ફરી વળ્યું છે.