રાધનપુરના મુક્તા સિનેમામાં ગર્ભવતી મહિલાને પીરસાયેલા શેકમાં નીકળ્યા પ્લાસ્ટિકના ટુકડા

રાધનપુરના પ્રખ્યાત મુક્તા સિનેમામાં ખાણી-પીણીની વસ્તુઓની ગુણવત્તા સામે ગંભીર સવાલો ઉભા થયા છે. અહીં એક ગર્ભવતી મહિલાને પીરસવામાં આવેલા શેકમાં પ્લાસ્ટિકના ટુકડા મળી આવતા ગ્રાહકોમાં રોષ જોવા મળ્યો હતો.

ઘટનાની વિગત મુજબ, સિનેમામાં ફિલ્મ જોવા આવેલા ગર્ભવતી મહિલાએ શેકનો ઓર્ડર આપ્યો હતો. જોકે, શેક પીતી વખતે તેમાં પ્લાસ્ટિકના ટુકડા હોવાનું માલૂમ પડ્યું હતું. આ બાબતે તાત્કાલિક સિનેમા સંચાલકોનું ધ્યાન દોરવામાં આવ્યું હતું.

આ ઘટનાને પગલે ખાદ્ય પદાર્થોની સુરક્ષા અને સ્વચ્છતા અંગે ગંભીર ચિંતા વ્યક્ત કરવામાં આવી રહી છે. ગર્ભવતી મહિલાના સ્વાસ્થ્ય સાથે જોડાયેલો આ મામલો હોવાથી સ્થાનિક લોકોમાં ભારે આક્રોશ જોવા મળી રહ્યો છે.