અમરેલીમાં કલેક્ટર વિકલ્પ ભારદ્વાજના અધ્યક્ષસ્થાને જિલ્લા સંકલન અને ફરિયાદ નિવારણ સમિતિની બેઠક યોજાઈ

અમરેલી જિલ્લા કલેક્ટર વિકલ્પ ભારદ્વાજના અધ્યક્ષસ્થાને જિલ્લા સંકલન અને ફરિયાદ નિવારણ સમિતિની મહત્વપૂર્ણ બેઠક યોજાઈ હતી. આ બેઠકમાં વહીવટી તંત્રના ઉચ્ચ અધિકારીઓ અને સંબંધિત વિભાગના પ્રતિનિધિઓ ખાસ ઉપસ્થિત રહ્યા હતા.

આ બેઠકમાં સાવરકુંડલા-લીલીયા વિસ્તારના ધારાસભ્ય મહેશભાઈ કસવાળા વિશેષરૂપે ઉપસ્થિત રહ્યા હતા. તેમની પ્રેરક ઉપસ્થિતિમાં જિલ્લાના વિકાસલક્ષી કાર્યો અને નાગરિકોની સુવિધા અંગે વિસ્તૃત ચર્ચા કરવામાં આવી હતી.

બેઠક દરમિયાન જનપ્રતિનિધિઓ દ્વારા અગાઉ રજૂ કરવામાં આવેલા પેન્ડિંગ પ્રશ્નો અને વિવિધ મુદ્દાઓ પર ગંભીરતાપૂર્વક સમીક્ષા કરવામાં આવી હતી. કલેક્ટર દ્વારા સંબંધિત વિભાગોને આ પ્રશ્નોના ત્વરિત અને સંતોષકારક નિકાલ લાવવા માટે જરૂરી સૂચનાઓ આપવામાં આવી હતી.