પેટલાદની એન. કે. હાઈસ્કૂલમાં વાલી મિટિંગ અને તેજસ્વી તારલા સન્માન કાર્યક્રમ

એન. કે. હાઈસ્કૂલ, પેટલાદ ખાતે વાલી મિટિંગ અને તેજસ્વી તારલા સન્માન કાર્યક્રમ યોજાયો. આ કાર્યક્રમ શાળાના નોન-ગ્રાન્ટેડ વિભાગ દ્વારા ધોરણ 4 થી 8 ના વિદ્યાર્થીઓના વાલીઓ માટે યોજાયો હતો.

કાર્યક્રમ દરમિયાન વિદ્યાર્થીઓના શૈક્ષણિક પ્રદર્શન, સર્વાંગી વિકાસ, નિયમિત હાજરી તેમજ આગામી શૈક્ષણિક આયોજન અંગે વાલીઓને માહિતગાર કરવામાં આવ્યા. સાથે જ ઉત્કૃષ્ટ પ્રદર્શન કરનાર વિદ્યાર્થીઓને સન્માનિત કરીને તેમના ઉજ્જવળ ભવિષ્ય માટે શુભેચ્છાઓ પાઠવવામાં આવી.

આ પ્રસંગે શાળાના સંચાલક મંડળ, આચાર્યશ્રી, શિક્ષકગણ, વાલીઓ અને વિદ્યાર્થીઓ મોટી સંખ્યામાં ઉપસ્થિત રહ્યા હતા. સમગ્ર કાર્યક્રમ ઉત્સાહપૂર્ણ અને સફળતાપૂર્વક સંપન્ન થયો.