ધોળકા: મુખ્ય માર્ગ પર ભુવા પડવાથી વાહનચાલકોમાં ભયનો માહોલ

ધોળકા શહેરમાં ફૂલેન સર્કલથી કલિકુંડ જતા મુખ્ય માર્ગ પર સરકારી રેસ્ટ હાઉસની બાજુમાં અચાનક બે મસમોટા ભુવા પડ્યા છે. આ ઘટનાથી સ્થાનિકોમાં ડરનો માહોલ સર્જાયો છે, કારણ કે આ માર્ગ હંમેશા ટ્રાફિકથી ભરચક રહે છે.

ભુવા પડવાના કારણે વાહનચાલકોને ગંભીર અક્સમાતનો ભય છે. સ્થાનિક લોકો આ સમસ્યાને ગંભીરતાથી લઈ રહ્યા છે અને તંત્ર દ્વારા તાત્કાલિક રીપેરીંગ કરવાની માંગ કરી રહ્યા છે.

જ્યારે પણ આવા ભુવા પડે છે, ત્યારે મોટી જાનહાનિ થવાની દહેશત રહે છે. સ્થાનિક લોકોની માંગ છે કે તંત્ર આ સમસ્યાને તાત્કાલિક ઉકેલે અને માર્ગની સુરક્ષા સુનિશ્ચિત કરે.