અમરેલીના જાફરાબાદ તાલુકામાં સગીરા સાથે દુષ્કર્મનો આરોપ, ગર્ભવતી બનતા ગર્ભપાત કરાવ્યાનો આક્ષેપ

અમરેલીના જાફરાબાદ તાલુકામાં સગીરા સાથે દુષ્કર્મનો આરોપ, ગર્ભવતી બનતા ગર્ભપાત કરાવ્યાનો આક્ષેપ

બ્રેકિંગ ન્યૂઝ | અમરેલી–જાફરાબાદ

જાફરાબાદ તાલુકાના વાડી વિસ્તારમાં સગીરા સાથે દુષ્કર્મ આચરાયાની ગંભીર ફરિયાદ સામે આવી છે.

મળતી માહિતી મુજબ, આરોપી દ્વારા સગીરાનું શારીરિક શોષણ કરવામાં આવ્યું હતું. આ દરમિયાન સગીરા ગર્ભવતી બનતા તેનો ગર્ભપાત કરાવાયો હોવાનો આક્ષેપ કરવામાં આવ્યો છે.

આરોપીએ સગીરાને સમગ્ર ઘટનાની કોઈને જાણ ન કરવા અને મોઢું ખોલશે તો જાનથી મારી નાખવાની ધમકી આપી હોવાનો પણ ફરિયાદમાં ઉલ્લેખ છે.

સમગ્ર મામલે જાફરાબાદ પોલીસ સ્ટેશન ખાતે ભારતીય ન્યાય સંહિતા તથા પોક્સો એક્ટની ગંભીર કલમો હેઠળ ફરિયાદ નોંધાવવામાં આવી છે.

હાલ જાફરાબાદ પોલીસે સમગ્ર મામલે તપાસ હાથ ધરી છે અને આરોપીને ઝડપી પાડવા માટે કવાયત તેજ કરી છે.