🔥 ट्रेंडिंग मातृभूमि के ट्रेलर पर सलमान खान ने दिय... GTA 6 ने पहली ही दिन 3.79 बिलियन डॉलर... NYC में सिख विपक्षी की हत्या की साजिश... कनाडा ने गोल्डी ब्रार को सबसे ज्यादा च... अमेरिका में सिख विद्रोहियों को मारने क... भारत में निजी निवेश में उछाल: फोर्ब्स...
21 नव. 2026•
ગુજરાતી मराठी ਪੰਜਾਬੀ বাংলা
રાજકોટના મવડી બ્રિજ પર તેલ ઢોળાતાં સર્જાઈ લપસણી  અનેક વાહનચાલકો સ્લિપ થઈ પટકાયા, ફાયર ટીમે પાણીનો મારો ચલાવી રસ્તો સાફ કર્યો
स्थानीय

રાજકોટના મવડી બ્રિજ પર તેલ ઢોળાતાં સર્જાઈ લપસણી  અનેક વાહનચાલકો સ્લિપ થઈ પટકાયા, ફાયર ટીમે પાણીનો મારો ચલાવી રસ્તો સાફ કર્યો

✍️ रिपोर्टर: Chauhan sanjaybhai 🗓 15 अग. 2026, 01:22 PM 👁 110
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post
રાજકોટ:
રાજકોટ શહેરમાં આવેલા મવડી બ્રિજ પર તેલનો ડબ્બો ઢોળાવાની ઘટના સામે આવી છે. બ્રિજ પર મોટા પ્રમાણમાં તેલ ઢોળાતાં રસ્તા પર લપસણી સ્થિતિ સર્જાઈ હતી, જેના કારણે ત્યાંથી પસાર થતાં અનેક વાહનચાલકો અચાનક સ્લિપ થઈને નીચે પટકાયા હતા.
પ્રાપ્ત વિગતો અનુસાર, મવડી બ્રિજ પર અચાનક કોઈ વાહનમાંથી તેલનો ડબ્બો ઢોળાઈ જતાં આખા રોડ પર તેલની રેલમછેલ થઈ ગઈ હતી. તેલના કારણે રોડ અત્યંત ચીકણો થઈ જતાં બાઈક અને સ્કૂટર જેવા દ્વિચક્રી વાહનચાલકોના વાહનો કાબૂ બહાર જઈને સ્લિપ થવા લાગ્યા હતા. એક પછી એક વાહનો લપસતાં બ્રિજ પર થોડીવાર માટે અફરાતફરીનો માહોલ સર્જાયો હતો.
આ જોખમી પરિસ્થિતિ જોઈને ત્યાં હાજર એક જાગૃત નાગરિકે તાત્કાલિક ફાયર વિભાગને આ બાબતે જાણ કરી હતી. ઘટનાની જાણ થતાં જ ફાયર બ્રિગેડની ટીમ તાબડતોબ ઘટનાસ્થળે પહોંચી ગઈ હતી. ફાયર ટીમે તાત્કાલિક બ્રિજ પર પાણીનો ભારે પ્રેશરથી મારો ચલાવી તેલને સાફ કર્યું હતું, જેના પગલે મોટો અકસ્માત સર્જાતાં ટળ્યો હતો અને વાહનવ્યવહાર ફરી સામાન્ય બન્યો હતો.
📲Get App