તિલકવાડા તાલુકામાં ગૌચરિયા પ્રાથમિક શાળાના બાળકોને શૈક્ષણિક સામગ્રીનું વિતરણ

નર્મદા જિલ્લાના તિલકવાડા તાલુકામાં આવેલી ગૌચરિયા પ્રાથમિક શાળાના બાળકોને આજે સાકીરભાઈ ગૌચરિયા તથા વાડી મિત્ર વર્તુળ દ્વારા વિવિધ શૈક્ષણિક સામગ્રીની કીટનું વિતરણ કરવામાં આવ્યું. આ કીટમાં નોટબુક, પેન, ચિત્રપોથી, કલર, રંગીન કાગળ, મીની કલર, સ્કેચ પેન, સંચો, રબર, પેન્સિલ, દેશી હિસાબ સહિતની અનેક ઉપયોગી શૈક્ષણિક સામગ્રીનો સમાવેશ કરવામાં આવ્યો હતો.

આ વિતરણ દ્વારા બાળકોના શિક્ષણને પ્રોત્સાહન મળે, તેમની સર્જનાત્મકતાને વેગ મળે અને તેમના ચહેરા પર ખુશી છવાય તેવા આ સુંદર સેવાકીય કાર્ય બદલ ગૌચરિયા પ્રાથમિક શાળા પરિવાર સાકીરભાઈ ગૌચરિયા તથા વાડી મિત્ર વર્તુળની સમગ્ર ટીમનો હૃદયપૂર્વક આભાર વ્યક્ત કરે છે.

આપનો સેવાભાવ, સહકાર અને બાળકો પ્રત્યેનો પ્રેમ તેમના ઉજ્જવળ ભવિષ્યના ઘડતરમાં ચોક્કસપણે પ્રેરણારૂપ બની રહેશે.