વડોદરા અને અમદાવાદમાં નશાકારક કફ સીરપના ગેરકાયદે વેચાણનો પર્દાફાશ

વડોદરા અને અમદાવાદમાં નશાકારક કફ સીરપના ગેરકાયદે વેચાણના કથિત નેટવર્કનો પર્દાફાશ થયો છે. ફૂડ એન્ડ ડ્રગ્સ વિભાગની તપાસમાં વડોદરાની SD ફાર્મા દ્વારા બોગસ બિલોના આધારે કોડીનયુક્ત કફ સીરપનો જથ્થો મંગાવાયો હોવાનો ખુલાસો થયો છે.

તપાસ મુજબ આશરે 9 હજાર બોટલ નશાકારક સીરપનો જથ્થો વડોદરાની AJ એન્ટરપ્રાઇઝ અને અમદાવાદની પ્રાન્સી એન્ટરપ્રાઇઝ સુધી પહોંચાડવામાં આવ્યો હતો. આ સમગ્ર મામલો સામે આવતા વિભાગે ત્રણેય ફાર્મા પેઢીઓના લાઈસન્સ તાત્કાલિક અસરથી રદ્દ કરી કાર્યવાહી હાથ ધરી છે.

વિભાગના અધિકારીઓએ જણાવ્યું છે કે, આ પ્રકારના ગેરકાયદે વેપારને રોકવા માટે કડક પગલાં લેવામાં આવશે. નશાકારક દવાઓના ગેરકાયદે વેચાણને લઈને લોકોમાં જાગૃતિ લાવવા માટે પણ પ્રયાસો કરવામાં આવશે.