ભાવપુર ગામના ચિરાગસિંહ પુંજારાનું ઈન્ડિયન એરફોર્સની તાલીમ પૂર્ણ થતાં ભવ્ય સ્વાગત

આજ રોજ ભાવપુર ગામના યુવાન ચિરાગસિંહ પુંજારા ઈન્ડિયન એરફોર્સની તાલીમ પૂર્ણ કરીને પોતાના વતન પરત ફર્યા હતા. તેમના આગમનને પગલે સમગ્ર ગામમાં ઉત્સાહનો માહોલ જોવા મળ્યો હતો.

સાબરકાંઠા જિલ્લા ક્ષત્રિય સમાજના ઉપપ્રમુખ શ્રી ભરતસિંહ પરમાર તેમજ ભાવપુર ગામના સમસ્ત ગ્રામજનો દ્વારા ચિરાગસિંહ પુંજારાનું ભવ્ય સ્વાગત કરવામાં આવ્યું. સમાજ દ્વારા તેમને ટ્રોફી આપીને સન્માનિત કરવામાં આવ્યા હતા. આ પ્રસંગે તેમની ખુશીમાં બાઈક રેલી પણ કાઢવામાં આવી હતી, જે તેમના ઉત્સાહ અને ગૌરવને દર્શાવતી હતી.

આ સન્માન સમારોહમાં સ્થાનિક આગેવાનો અને ગ્રામજનો મોટી સંખ્યામાં ઉપસ્થિત રહ્યા હતા અને ચિરાગસિંહ પુંજારાના દેશસેવાના કાર્યને બિરદાવ્યું હતું. તેમના પરિવારજનો પણ આ ગૌરવપૂર્ણ ક્ષણના સાક્ષી બન્યા હતા.